روحو نامو..بكفي سهر

روحو نامو....بكفي سهر!!!!!!!

السلام عليكم ورحمة الله وبركاته

الحقيقة أنا كتير بحب النظام بكل شي..وموضوع السهر بيزعجني كتير كتير..
وحكمة( نام بكير وفيق بكيروشوف الصحة كيف بتصير)
صارت موضة قديمة وما حدا صار عم يسمعها أو يطبقها لا الصغار ولا الكبار..
إذا رح نحكي على الكبار...فأكتر شي بيشغلن هو النت (وليييييييي صار النت آفة) وبس الشب أو البنت قعدوا..يالطييييييييف غير قدرة الله لحتى يتركوا النت بحالو
(ويمكن الشباب أكتر شوي) يعني القصة صارت هوس
لك الناس نسيت الهوايات والشغل والعبادات...
المهم... بيسهروا طول الليل وبيناموا طول النهار..(شوهالعيشة)
أما الصغار...فالمسؤول الأول والأخير..هنن الأمهات
بتذكر لما كنا صغار..الماما ماتخلينا فايقين لبعد الساعة 8 ..
بس هلئ هالجيل الجديد...الأمهات العظيمات (مو الكل
طبعاّ..لأني من الجيل الجديد ههههههه) بيتركو الأطفال على راحتون..8...9...10...11...12...1...2...3...بيأذن الصبح وهالاولاد فايقين...
قال شو ما عم ينامو..(مابعرف مين الأم ومين الولد) أو عم يستنو أبوهم..
وين الإحساس بالمسؤولية؟؟؟؟؟؟؟؟
وين النظام؟؟؟؟؟؟؟؟
وين الإنضباط؟؟؟؟؟؟؟؟؟
والله ياجماعة ديننا ما هيك قال ..
قال الله تعالى Sad

وجعلنا الليل لباسا * وجعلنا النهار معاشا) صدق الله العظيم
ليش لحتى نخالف نظام الكون اللي أقره الله عز وجلّ؟؟؟؟
وحتى الرجال اللي بيشتغلوا....كل واحد مابيروح على شغلو لبعد الظهر..( كمان أكيد مو الكل) بس الأغلبية..
وين الرجّال اللي بيفيق من الساعة سبعة أو تمانة..وبيروح على شغلو..( دخيل الله شو بحترم هيك نماذج)..
بس للأسف كل شي تغير..
المحلات..البقاليات...الصيدليات...وحتى محلات الخضرة ماعاد حتى يفتح لبعد الظهر..
شو القصة؟؟؟ ماحدا قرأ أو سمع حديث رسول الله صلى الله عليه وسلم : (الرزق في التباكير)
وهي اسطوانة كل يوم..
روحو نامو ..بكفي سهر..بكرا في مدرسة وجامعة وشغل..(وفي الأغلب ما حدا بيسمع) حسبي الله ونعم الوكيل
وأنتو شو رأيكم بهالقصة؟؟؟؟
بتمنى ما أكون طولت عليكم...
دمتم بود.......أحبائي